პროექტი ,,Moom Camp"

სკოლის STEAM კლუბი ყოველ წელს მონაწილეობს საერთაშორისო პროექტში ,,Moon camp", რომლის ფარგლებშიც ისინი იძენენ უნარებს 2D და 3D მოდელირებაში. გარდა ამისა უყალიბდებათ თანამშრომლობის, გუნდურობის, კრიტიკული აზროვნების და სხვა 21-ე საუკუნის უნარები.

2024-2025 სასწავლო წლის პროექტები:

მიმართულება: ხელოვნება და ხელნაკეთობები. პროექტი ,,ვიზრუნოთ დედამიწაზე".

https://mooncampchallenge.org/gallery-2024-2025/details/34377/

პროექტის მიზანია მოსწავლეებში გარემოსდაცვითი ცნობიერების ამაღლება. დედამიწის დღესთან დაკავშირებით, სკოლაში ორგანიზება გავუკეთეთ კვირეულს სახელწოდებით „იზრუნე დედამიწაზე“. STEA კლუბის მოსწავლეებმა თავიანთი ნამუშევრებით თანატოლებს მოუწოდეს, თუ როგორ დაიცვან დედამიწა ნარჩენებისგან და როგორ შექმნან ეკოლოგიურად სუფთა გარემო. მოსწავლეებმა რესურსების გამოყენებით შექმნეს სხვადასხვა დიზაინი (რესურსები: თექა, გუაში, მუყაო, ატლასის ლენტები, ლაზერული ჭრისა და გრავირების მანქანა, 3D მოდელირება - Fusion 360, თექა, ცხელი წებო, ხის პლაივუდი). თექისგან დაამზადეს მწვანე ნაძვის ხეები, მუყაოსგან დაამზადეს 3D მიწა. ატლასის ლენტებიდან დაამზადეს ვარდები და შეიქმნა 3D მიწა. ხის პლაივუდზე გუაშის საღებავებით დახატეს სხვადასხვა ხელოვნების ნიმუშები. ლაზერული ჭრისა და გრავირების მანქანაზე ამოჭრეს საქართველოს რუკის ფორმა და სხვა ფიგურები ხატვისთვის. სხვადასხვა ნარჩენებისგან ასევე შეიქმნა დედამიწის მოდელები. მუყაოსგან დაამზადეს ელექტრომობილი, რომელიც ელექტროენერგიაზე მუშაობს და შესაბამისად, აღარ დააბინძურებს დედამიწას გამონაბოლქვით. ერთი კვირის განმავლობაში გამოვფინეთ ჩვენი ნამუშევრები და გავაკეთეთ პრეზენტაცია.

მიმართულება:ქიმიური ექსპერიმენტები. პროექტი ,,კვლევითი ლაბორატორია იუპიტერის მთვარე ,,ევროპაზე".

პროექტის აღწერა: ჩვენი ბანაკი გაშენებულია იუპიტერის ყინულით დაფარულ მთვარეზე _ ევროპაზე. ეს ბანაკი სპეციალურად აშენდა იმისთვის, რომ გამოიკვლიოს ევროპის ქვეშ არსებული უზარმაზარი წყალქვეშა ოკეანეები და დაადგინოს მათი ქიმიური ბუნება pH-ის საშუალებით.

ევროპა დიდი ხანია ითვლება ერთ-ერთ ყველაზე პერსპექტიულ ადგილად სოლარ სისტემაში, სადაც შეიძლება არსებობდეს სიცოცხლე. მისი ზედაპირი მთლიანად ყინულითაა დაფარული, ხოლო მეცნიერები ვარაუდობენ, რომ ყინულის ქვეშ მდებარეობს თბილი, მარილიანი ოკეანე.

სწორედ ამ იდეამ გვიბიძგა შეგვექმნა სპეციალური ბანაკი — პატარა კვლევითი სადგური, რომელიც ფუნქციონირებს როგორც ადამიანის მიერ მართული, ასევე ავტომატური სისტემებით.

ბანაკის მთავარი მიზანია მოიპოვოს ყინულქვეშა წყლის ნიმუშები და შეაფასოს მათი მჟავიანობა — pH. ეს მონაცემი კრიტიკულად მნიშვნელოვანია: წყლის pH ბევრ რამეს გვეუბნება იქაური ქიმიური პროცესების, ვულკანური აქტივობის და, რაც ყველაზე მნიშვნელოვანია, სიცოცხლის არსებობის შესაძლებლობის შესახებ. ნეიტრალური ან ოდნავ ტუტე pH იქნება ნიშანი იმისა, რომ ევროპაზე შეიძლება არსებობდეს მიკრობული სიცოცხლე.

ბანაკი აღჭურვილია სპეციალური ბურღით, რომელსაც შეუძლია რამდენიმე კილომეტრის სიღრმეზე ყინულის გაბურღვა, ნიმუშების აღება და მათი ადგილზე ანალიზი. თითოეულ ნიმუშს ჩაუტარდება პორტატული ლაბორატორიით სწრაფი pH ტესტი, ხოლო მონაცემები ზუსტად გადაეცემა დედამიწაზე არსებულ მეცნიერებს.

ენერგიას ბანაკი აიღებს ატომური ბატარეების მეშვეობით, რაც მის ხანგრძლივ ოპერირებას უზრუნველყოფს ევროპის ცივ და ულმობელ გარემოში. გარდა pH-ის ანალიზისა, ბანაკი მოაგროვებს ტემპერატურულ, ქიმიურ და ბიოლოგიურ მონაცემებსაც, რაც მთლიანობაში ხელს შეუწყობს უკეთესად გაგებას, როგორ ვითარდება უცხოპლანეტური ოკეანეები.

ევროპაზე განლაგებული ეს პატარა ბანაკი კაცობრიობისთვის წარმოადგენს არა მხოლოდ ტექნოლოგიურ მიღწევას, არამედ იმედის ნაპერწკალსაც — რომ შესაძლოა ჩვენს მზის სისტემაში, ჩვენი პლანეტის გარდა, სხვაგანაც არსებობს სიცოცხლე.