სსიპ რევაზ მუმლაძის სახელობის ქალაქ ზესტაფონის N7 საჯარო სკოლაში ევრასაბჭოს მხარდაჭერით ხორციელდება პროექტი : ,,დემოკრატია იწყება სკოლაში“.
2025-2026 სასწავლო წელს, ზემოთ აღნიშნული პროექტის ფარგლებში ჩატარდა საინფორმაციო კვირეული თემაზე: ,,20 ნოემბერი ბავშვის უფლებების კონვენციის დღეა” (ხელმძღვანელი სამოქალაქო განათლების პედაგოგი რუსუდან ჩინჩალაძე ).
კვირეულის ფარგლებში 20 ნოემბერს Xე კლასის მოსწავლეებმა(კლასის ხელმძღვანელი ნინო ჭიპაშვილი) - ნინო მაღლაკელიძემ და თათია მაღლაკელიძემ - IX ბ კლასში ( კლასის ხელმძღვანელი სოფო ქოჩიაშვილი) საინფორმაციო შეხვედრები ჩაატარეს. მათ წარმოადგინეს პრეზენტაცია ბავშვთა უფლებების კონვენციაზე და იმ საერთაშორისო ორგანიზაციებზე, რომლებიც ბავშვთა უფლებებს იცავს. ასევე ისაუბრეს ბავშვთა უფლებების მდგომარეობაზე საქართველოში. იმისათვის, რომ თემა უფრო გასაგები და თვალსაჩინო გამხდარიყო, კლასში განხორციელდა საინტერესო აქტივობა: გუნდური მუშაობის დროს მოსწავლეებს დაურიგდათ სხვადასხვა სიტუაციური მაგალითები, რომელშიც უნდა ამოეცნოთ რამდენად იყო დარღვეული ბავშვთა უფლებები და როგორ შეძლებდნენ პრობლემების მოგვარებას. დაეკონკრეტებინათ, რომელი უფლება დაირღვა.
მოსწავლეები ძალიან აქტიურად ჩაერვთნენ პროცესში – ერთად მუშაობდნენ, მსჯელობდნენ, აზრებს იზიარებდნენ და გუნდურად ცდილობდნენ პასუხების მოძებნას.
კვირეულის ფარგლებში 19 ნოემბერს Xე კლასის მოსწავლეებმა (კლასის ხელმძღვანელი ნინო ჭიპაშვილი): დიანა არევაძემ, ანა საყვარელიძემ და ქრისტინე აბულაძემ IVბ კლასში ( კლასის ხელმძღვანელი სოფო კოპაძე) საინფორმაციო შეხვედრები ჩაატარეს. ღონისძიების ხელ. სამოქალაქო განათლების პედაგოგი რუსუდან ჩინჩალაძე და მე და საზოგადოების პედაგოგი მანანა ბერაძე.
უფროსკლასელებს მომზადებული ჰქონდათ პრეზენტაციები, სადაც ბავშვებს კიდევ ერთხელ გააცნეს საკუთარი უფლებები და მოვალეობები. პრეზენტაციის შემდეგ პატარებმა მონაწილეობა მიიღეს აქტივობებში, რომლებიც ადაპტირებული იყო მათ შესაძლებლობებსა და ცოდნაზე. ასევე მიიღეს მონაწილეობა დისკუსიაში, გამოხატეს საკუთარი აზრი უფლებებისა და მოვალეობების შესახებ. ეს დღე საკმაოდ ნაყოფიერი, საინტერესო და სახალისო აღმოჩნდა როგორც პატარებისთვის, ასევე უფროსკლასელებისთვისაც.
კვირეულის ფარგლებში 19 ნოემბერს X ე კლასის მოსწავლემ, მარიამ ქასრაშვილმა IV გ ( კლასის ხელმძღვანელი მანანა ბერაძე) კლასში წარადგინა პრეზენტაცია
ბავშვის უფლებების დაცვის კონვენციის შესახებ. ბავშვები გაეცნენ საინტერესო სიტუაციურ მაგალითებს, რომლებიც ბავშვთა უფლებებს წარმოაჩენდა. მოეწყო თითოელი მაგალითის განხილვა .
შეხვედრა ჩატარდა კითხვა - პასუხის რეჟიმში. სახლისო აქტივობებმა მოსწავლეებში დიდი ინტერესი გამოიწვია.
კვირეულის ფარგლებში 19 ნოემბერს X ე კლასის მოსწავლეებმა (ხელ-ლი ნინო ჭიპაშვილი) ნათია შავგულიძემ და ანა ბერაძემ IVბ ( კლასის ხელმძღვანელი თამარ კობახიძე) წარმოადგინეს ინფორმაცია ბავშვთა უფლებების მნიშვნელობის, მათი დაცვის საჭიროებისა და კონვენციის ძირითადი პრინციპების შესახებ. პრეზენტაციის შემდეგ ჩატარდა სხვადასხვა სახის აქტივობა, რომელიც მიზნად პატარებისთვის საკითხის მარტივად, გასაგებად და ინტერაქტიულად გადაცემას ისახავდა. მათ შორის იყო მოკლე სიტუაციური ანიმაციები, რომლებიც რეალურ მაგალითებზე დაყრდნობით აჩვენებდა, როგორ გამოიყურება კონკრეტული უფლების დარღვევა ან დაცვა. ასევე მოამზადეს „ბავშვთა უფლებების ფაზლი“, რომლის აწყობის შესაძლებლობა IV კლასის მოსწავლეებს ჰქონდათ გუნდურად. აქტივობებში მონაწილე ბავშვებმა გამოიჩინეს მაღალი ინტერესი, ჩართულობა და თანამშრომლობის უნარი. ისინი აქტიურად პასუხობდნენ კითხვებს, აზიარებდნენ საკუთარ ხედვებს და გამოხატავდნენ სურვილს - მეტი ესწავლათ ამ თემაზე. ღონისძიების დასასრულს, პრეზენტაციის ავტორებმა მოსწავლეებს სიმბოლურად გადასცეს თემატური სტიკერები. მსგავსი აქტივობები მნიშვნელოვან როლს ასრულებს მოსწავლეთა ცნობიერების გაღრმავებაში, პასუხისმგებლობის გრძნობის ფორმირებასა და მათში სამოქალაქო ღირებულებების ჩამოყალიბებაში, რაც ჩვენი სკოლის პრიორიტეტული მიმართულებაა.
ღონისძიების შეფასების კითხვარი - უკუკავშირის ფორმა:
